سؤال محرج جدااااااااا

لما الواحدة فينا بتكون غايبة عنها واحده بتحبها

وبقالها كام شهر مستنياها تيجى بفارغ الصبر ..

عمالة تفكر ..

هقابلاه فى المطار ..

وهجهز كل حاجه علشانها ..

دى من اعز الناس عليا..

هو انا ضامنة اشوفها تانى ..!!

وبالنسبة للشباب

ولما يكون المنتخب عنده ماتش مهم (مع ملاوى مثلا)

بيجهز من قبليها بشهر ..

ويعمل معسكرات فى المانيا وفرنسا وموزمبيق (وبرده بيتغلبوا فى الاخر)..!!

سؤالنا يا جماعه هو ...

[ندعوك للتسجيل في المنتدى أو التعريف بنفسك لمعاينة هذه الصورة]

ماذا اعددنا لرمضان؟؟؟؟؟؟؟؟؟؟؟

يمكن ناس كتيير هتقول احنا فين ورمضان فيييييين؟!!

يا جماعه لو اللعيب مسخنش قبل ما ينزل الملعب بيجيلوا شد فى اول خمس دقايق..

اذا كان ده حالنا قبل رمضان ..!

ليه بنستغرب ان احنا مش بنقدر نكمل رمضان بنفس الروح العزيمه اللى الكل بيبدا بيها اول الشهر..؟؟
[ندعوك للتسجيل في المنتدى أو التعريف بنفسك لمعاينة هذه الصورة]
استعدينا ازاى لرمضان؟؟

ان عارف ان الاجابه محرجه جدااااااااااااااااااااااااااااااااا عند معظم الناس الا من رحم ربى...

خاصه لما نقرا فى سير الصحابه والسلف

ونشوف هما كانوا بيجهزوا ازاى للشهر العظيم ده

وقد ايه فعلا كان صدقهم مع الله فكان ربنا بيقويهم ويباركلهم فى شهر رمضان..

الواحد بيبقى هاين عليه يعمل اي حاجه فى نفسه علشان تبطل الاستهتار والتهاون والغفله اللى احنا عايشين فيها..!!

لما نيجى نشوف اهل الباطل بيستعدوا ازاى للشهر من قبلها بشهوووور

بالافلام والمسلسلات والفوازير وبرامج المسابقات وكل حاجه عايزين يلهوا بيها الناس عن طاعه الله ..

المفروض ننكسف من نفسنا شويه ...

هنقول ايه لربنا؟؟؟؟؟؟؟؟

يا جماعه الناس اللى عليهم امتحانات..

قد ايه عمالين يذاكروا ويدعوا...

وفى ناس والله مش بتنام غير ساعتين ولا تلاته..

ده كله علشان امتحان دنيوى لو الواحد رسب فيه لا قدر الله حتى مش فارقه معاه..

انما لما يكون الواحد داخل على شهر رمضان ..

يبقى لازم يفووووووق..لازم يصحى من النوم اللى هو راقد فيه طول السنه ..

رمضان ده اخطر شهر فى السنه كلها وكلنا عارفين الاحاديث التى بتوضح كده ..

فرصه لا تعوض..مين فينا ضامن يعيش لرمضان السنه الجايه ..

مين فينا يضمن عمره ولو للحظه جايه.؟؟

احنا داخلين باذن الله على اكبر نفحه من نفحات ربنا فى السنه ..

ولما الرسول يدعى بالخسران على اللى يطلع من رمضان وهو لم يغفر له يبقى عايز ايه تانى من الدنيا !!

[ندعوك للتسجيل في المنتدى أو التعريف بنفسك لمعاينة هذه الصورة]

باذن الله مبقاش غير 100 يوم على رمضان ..

عايزين الناس تشد حيلها فى الايام دى ..

عايزين الناس تحس بخطوره الشهر ..

عايزين الناس تعرف ان الثانيه فى رمضان من دهب..بل اغلى والله..

يلا نشد حيلنا ونبدا جدول عملى من دلوقتى نستعد بيه لأعظم شهر..

أسأل الله ان يبلغنى واياكم الشهر الكريم..

اللهم امين..

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

جزاكى الله خيرا على الموضوع
لابد أن نعد أنفسنا من الآن لشهر رمضان

الف شكر ع الطرح يسلمووو