قـصص ـآ‘لـقـرٍآن ( ـأصـحـاب ـآ‘لـجـنـة )

قـصص ـآ‘لـقـرٍآن ( ـأصـحـاب ـآ‘لـجـنـة )

مفتاح قصتنا انهاردة هو : الرسائل الربانية

حياتي وحياة حضرتك .. وحياة البشر مليانة بالرسائل .. طيب هو لية ربنا بيرسلها ؟؟؟
لما تكون ناس ماشية فى طريق غلط وربنا يريد لها الرجوع إليه سبحانه وتعالي فيبعتلها رسائل ربانية فى 3 صور اما تكون عقابية أو رسايل رحمة أو إصلاح والسؤال ... ماذا يريد الله عز وجل منا .؟؟؟

- الجواب فى آية جميلة أوي :
" والله يريد أن يتوب عليكم ويريد الذين يتبعون الشهوات أن تميلوا ميلاً عظيماً 27 يريد الله أن يخفف عنكم وخلق الإنسان ضعيفاً ..

تعالوا نبدأ القصة :- الأيات من سورة القلم من الآية 17 وحتي الآية 33 ..
- إنا بلوناهم كما بلونا أصحاب الجنة .. الإبتلاء هنا هو الغني .. مش بس الفقر هو الاختبار والغنى كمان ..

** رٍســالـتـنـا ـآ‘لـأوٍلــي :- يارجال الأعمال ياأغنياء فى كل العالم العربي والإسلامي اسمعوني .. زكاة المال والصدقة في العالم العربي والإسلامي تأكل كل الغلابة وتسد حاجات الفقراء
اسمعواا !! .. دي رسالة ربانية لكم النهاردة " إنا بلوناهم كما بلونا أصحاب الجنة " ..
هما كانوا 3 اخوات ذكور ورثوا أرض زراعية .. الأرض دي علي بعد 8 كم من صنعاء اليمن هي ارض معروفة جدا وموجودة بمخطوطات .. موجودة فعلاً .
ورثوها من ابوهم رجل الأعمال الناجح ، كانت الأرض زراعية خصبة وكانت عاملة زي الجنه وعشان كدة ربنا سمي القصة اصحاب الجنة من شدة جمالها وخصوبتها .
كان رجل الاعمال الناجح عامل الارض دي للفقراء وكان عايش ينميها ويكبرها .. كان عايش عشانهم .
مات الاب وترك الأرض وأولاده أقسموا انهم لن يعطوا الفقراء منها ولا ثمرة .. أصلهم كانوا مش راضيين علي اللي بيعمله الأب ..

بدأت قصة الأب أنه كان رجل فقير .. عصامي بني نفسه بنفسه .. ولما اغتني بدأت علاقته بالصدقة وتطورت علاقته بيها لأنه حبها أوي.

** رٍسـالـتـنـا ـآ‘لـثـانـيـة :- بتسألك .. أخبارك إيه مع الصدقة .؟؟ أخر مرة تصدقت امتي ؟؟؟
تعالوا نكمل ..الرجل انتقل مع الصدقة خمس مراحل .. اصل فهم رسايل ربنا ليه .. كان عنده بصيرة

- ـآ‘لـمـرٍحـلـة ـآ‘لأوٍلـــي :- الصدقة حق ربنا .. الصدقـة والزكاة واجب وفرض لأنه كان بيخاف من ربنا " وفي أموالهم حق للسائل والمحروم " فهم الرسايل وانتقل من المرحلة الأولي ..

- للـمـرٍحـلـة ـآ‘لـتـانـيـة :- المال يزيد بالإنفاق .. كان كل ماينفق تزيد أمواله فينفق أكتر فتزيد أكتر " وماأنفقتم من شئ فهو يخلفه"
فهم حديث النبي " مانقص مال من صدقة "
- من ذا الذي يقرض الله قرضاً حسناً فيضاعفة له أضعافاً كثيرة .. لما سمعها أبو بكر بكي وقال :- ربنا يعلم بخلنا فلم يقل صدقة وقال قرض ، لأن القرض بيرجع .

** وٍرٍسـالـتـنـا ـآ‘لـثـالـثـة :- .... أنت مصدق إنها هترجع .؟؟ مين جربها وشافها ؟؟ والله ياجماعة أنا جربتها طيب عارف ليه سميت الصدقة .. صدقة .. والصدقة برهان .؟؟
أصل دة دليل علي صدقك لتصديق كلام ربنا .. هذا الرجل صدق كلام الله .. أنت فين .؟ انت فى أي مرحلة .؟؟

- أقولك قصة تصدق بيها أكتر ؟؟؟ جاءت القصة فى الصحيحين ..
بينما رجل يمشي فى السحر فسمع صوت يقول : اسق حديقة فلان فالسحابة اتجمعت ، فقرر أنه يمشي يشوف هي هتروح فين لمين ومشي معاها فوجدها تسقي حديقة ، فنظر فى الحديقة ، فرأي رجل يزرع فسأله : انت فلان .؟ قال: نعم ، فحكي له أنه سمع صوت كذا ، وسأله انت بتعمل ايه .؟؟ فأخبره أنه يزرع الأرض ، ويقسم المحصول ثلاثة أثلاث أول ثلث للفقراء وتاني ثلث لأولادي والتالت استثمره فى الأرض عشان تطلع محصول تاني .. سبحا الله توازن .

ياشباب .. طلع من مصروفك ومتقولش ان دة للأغنياء بس .. تصدق ولو بشق تمرة .

وانتقل الرجل للمرحلة الثالثة : لذة إسعاد الفقير .. لذة ارمله تدعي له لذة الحنان علي طفل يتيم لذة فتح البيوت .. لذة العطاء أحلي بكثير من لذة الأخذ ...

لما بنعيش لنفسنا بنتولد صغيرين ونعيش ونموت صغيرين ولما نعيش للناس عمرنا بيمتد بعمر كل واحد دخلنا الإبتسامة علي قلبه وبدأ الرجل يشعر بحلاوة في قلبه مبسوط كأنه صلي ألف ركعة قيام ..

- وإنـتـقـل للـمـرٍحـلـة ـآ‘لـرٍابـعـة : المال مال الله .. الفلوس مش بتاعتى دي بتاعته هو وأنا مستأمن عليها .

جامدة أووووي ... وانفقوا مما جعلكم مستخلفين فيه .. بعدها انتقل للمـرحلـة ـآ‘لـخـامـسـة : أنا هعيش للعمل الخيري .. هعمل مشروع للفقراء وأعيش ليه وعمل زي سيدنا عثمان لما جهز جيش العسرة فقال النبي صلي الله عليه وسلم " ما ضر عثمان ما فعل بعد اليوم ..

وعملها بردوا بيل جيتس ... للأسف يامسلمين بيل جيتس عمل مشروع للغلابة وعاش عشانه بينما كتير من المسلمين قرأوا الآيات والأحاديث ومعملوش حاجة .. خسارة يامسلمين .
خلينا نرجع تاني .. حصل بعد كدة أن أولاده التلاتة مش عاجبهم الي أبوهم بيعمله فقرروا انهم بعد مايموت مش هيعملوا زيه ، وبدأوا يطردوا الفقراء ..

كان أوسطهم قريب من أبوه شوية لكن اخواته مش بيسمعوا كلامه ، وبدأ الأب يتكلم مع ابنه وقرر الأب قرار عظيم .. قرر يجعل أمواله كلها فى أرض زراعية ضخمة مساحتها 20 فدان (أرض ـآ‘لـجـنـه ) ، وقرر يشغل أهل البلد الفقراء فيها ، ويوم الحصاد يبقي يوم عيد علي أهل صنعاء كلهم ، لكن مات الأب قبل الحصاد بمدة بسيطة ، وقرر الأولاد أنهم لن يكملوا مابدأه أبوهم .. يعني خانوا أبوهم .

حطوا خطة وقالوا لو انتظرنا ليوم الحصاد أهل القرية هيتجمعوا ومش هنعرف نعمل اللى احنا عايزينه فقرروا انهم يحصدوا الزرع قبل النضج ويتركوه لينضج ويبيعوه هو والأرض ويقسموا التركة عليهم .

** وٍرٍسـالـتـنـا ـآ‘لـرٍابـعـة :- ياشباب إياكم وخيانة أبوكم .

وحاول أوسطهم اللي كان قريب من ابوهم يردهم عن تخطيطهم لكنه فشل وانساق وراهم و دة زي اللى بيحصل مع الصحبة السيئة .. اياك تقول انا مرتبي كويس ومهما كنت في وسط صحبة سيئة هتبقي زيهم .

إنا بلوناهم كما بلونا أصحاب الجنة إذ أقسموا ليصرمنها مصبحين * ولا يستثنون * فطاف عليها طائف من ربك وهم نائمون ... فأصبحت كالصريم .

سبحانه الله أقسموا انهم هيحصدوا كل الثمر ومش هيخلوا ولا ثمرة حتي لا يعطوا الفقراء فجعلها الله سبحانه وتعالي كالصريم .. اتحولت من أرض زراعية إلي أرض صخرية .. حريق شب فى الأرض وغير خواصها فتحولت إلي يوم الدين أرض صخرية ..الصريم دة آية من ربنا إياكم وخيانة أبوكم .. اياكم وحقوق الفقراء .. دي رسالة ربانية .

يارجال الأعمال .. مصنعك ممكن يبقي بكرة صريم .. إياك وحقوق الفقراء .
ياشباب تركتك وميراثك ممكن يبقي كالصريم إياك تخون أبوك .
الصريم دة هيشهد علينا يوم القيامة .. هيبقي حجة علينا .. لا نقول إلا لا إله إلا أنت سبحانك إني كنت من الظالمين . طيب ليه "وهم نائمون" .. لأنهم يبتوا الخيانة والغدر فبيت الله لهم العقاب ..

** ـآ‘لـرٍسـالــة ـآ‘لـخــامـســة :- اياكم وذنوب الليل ياشباب .. ربنا مطلع وشايف ولو الناس مش شايفة .. عقوبة شديدة

" فتنادوا مصبحين * أن اغدوا علي حرثكم إن كنتم صارمين * فانطلقوا وهم يتخافتون * أن لا يدخلنها اليوم عليكم مسكين * وغدوا علي حرد قادرين * فلما رأوها قالوا إنا لضالون * بل نحن محرومون "

سبحان الله قاموا الصبح ينادوا علي بعضهم بصوت منخفض ، لينفذوا اتفاقهم فلما اقتربوا منها لم يعرفوها .. دي مش أرضنا .. أكيد أخطأنا الطريق .. نرجع تاني .. لا تاني .. ولا تالت .. حتي اكتشفوا واستوعبوا انها هي ، فندموا لأنهم أرادوا حرمان الفقراء منها ، فحرمهم الله منها .

تفتكروا ياجماعة فى رسالة ربانية أقوي من كدة ؟؟؟ .... متخيل ذلهم والأرض طالع منها الدخان .. تخيل حسرتهم والناس بيقولوا : كان أبوكم بيعطي وكانت جنة وأنتم حرمتم وأصبحت رماد .

- خلاص كدة ... مفيش أمل .؟؟؟؟ لاء .. في أمل .. القرآن كله بيعلمنا معني جميل أوي .. دائماً في أمل .

ألم أقل لكم لولا تسبحون * قالوا سبحان ربنا إنا كنا ظالمين * فأقبل بعضهم علي بعض يتلأومون * قالوا يا ويلنا إنا كنا طاغيين * عسي ربنا أن يبدلنا خيراً منها ...

أخوهم الأوسط رجع تاني ينصحهم علشان يعودوا لنهج أبوهم .. سبحوا الله واستغفروه ... وندموا وتابوا وتعلموا الدرس ، وفهموا رسالة ربنا ليهم .. فبدأوا العمل من جديد ولكن بعطاء أكثر ، فزاد الجزاء من الله ، وأبدلهم الله خيراً منها .

** رٍسـالـتـنـا ـآ‘لـسـادســة :- .. يـا آباء ازرعوا فى أولادكم القيم والمبادئ والخير ، وتأكدوا انها لن تضيع ... ابذر البذرة وارويها ومتخافش ...

ويا شباب لو أخطأتم ، عملتم كبير لا تيأسوا ارجعوا وتوبوا إلي الله .. ربنا هيقبلكم بإذن الله ...

- سأل عبدالله بن رواحة النبي صلي الله عليه وسلم فقال :- أوصني يارسول الله ، فقال له :- ياعبد الله لا تيأس وان أسأت تسعا أن تحسن واحدة فالحسنة بعشر أمثالها فيقبلك الله عز وجل .... ياتواب يارحيم .

تعالوا نتعاهد ... نخليها ليلة توبة النهاردة .. نتعاهد بصدق ... نشتغل ونتعب زي ماآباءنا تعبوا .

ابدأوا ياشباب .. ولا تعتمدوا علي آبائكم .. ربنا مش هيضيع تعبكم .

وفي النهاية .. لنا سؤال ...

- ياتري الرسالة الربانية دي كانت من أي نوع .؟؟ عقابية ولا رحمة .؟ ولا إصلاح .؟

هي رسالة رحمة لأنهم تعلموا منها وأصلحوا من أنفسهم وتقول الآية الأخيرة .. " كذلك العذاب " والمقصود ان دة مفهوم العذاب الحقيقي فى الأرض .. وهو عذاب التصحيح لا عذاب الغضب وتكمل الآيات " ولعذا الآخرة أكبر لو كانوا يعلمون" ..

وأخيراً وصـيـة لرجال الأعمال :- حصنوا أموالكم بالزكاة زي ماحبيبك صلي الله عليه وسلم أخبرنا .. لو أغنياء العالم الإسلامي طلعوا زكاتهم مش هيبقي في فقير مسلم ..

- حصنوا أموالكم بالزكاة وداووا مرضاكم بالصدقة ...

- وصية ياشباب .... تصدقوا ولو بشق تمرة ... خلوها من السبع الذين يظلهم الله فى ظله يوم لا ظل إلا ظله .

كام قال رسول الله صلي الله عليه وسلم : ورجل تصدق بصدقة فأخفاها حتي لا تعلم شماله ما انفقت يمينه ..

- اياك تخون أهلك .

- افهم الرسائل الربانية من ربنا وحاول تعيشها .

- كن صاحب رسالة وعيش للفقراء .

- اقض حاجات الناس ولا تبخل .

جزاك الله خيرا أخيتى
استمرى

بانتظار المزيد

بارك الله فيك
جزاك الله خيرا