لعيون جريئه ومن غير هالات سوداء

هاى ع كل اللى ف المنتدى الجميل ده....
ازيكم عاملين ايه ......؟

انا لاحظت ان الهالات السودا عند كتير من البنات والشباب...قلت لازم اعرفكم ايه اسباب الهالات السودا دى.....مش بس كده لا وازاى كمان نعالجها.....[ندعوك للتسجيل في المنتدى أو التعريف بنفسك لمعاينة هذه الصورة]

انتوا عارفين ان الهالات السودا عند كتييييير من البنات والشباب والصبيان ودى حاجه
بتبهدل مظهر كل شاب وكل فتاه.

اول حاجه تعالو نعرف ازاى بتكون الهالات السوداء.

الهالات السوداء دى بتبقى لون غامق تحت العين وبيبقى نتيجه اغمقاق لون الدم ف المنطقه دى نتيجه لتعكره وده بيكون لان الدم محمل بمواد سامه( ثانى اكسيد الكربون ).وعلشان كده بيغمق الجلد وكمان ان الجلد اللى تحت العين جلد رقيق وخفيف جدا فبيظهر لون الدم المتعكر اللى لونه داكن .وهى دى الهالات السوداء.

تانى حاجه ..ليه بيجلنا الهالات السوداء......؟!

اسباب كتييييييييييييييير جدا للهالات السوداء مثلا السهر وطبعا اغلب الشباب بيسهر للفجر والصبح وحاجات كده يعنى.

وكمان المكياج وتعتقد البنات ان الميك اب بيزيدهم جمال ولكن العكس ده بيبقى جمال مؤقت وبيضرالبشره وبيسبب الهالات وكمان بيظهر علامات الشيخوخه وكبر السن مبكرا ...والخ.
وانا من رايى ان الميك اب كله اضرار ومفيش احلى من الجمال الطبيعى ...ده حتى الطبيعى يكسب ولا ايه .وبرضه مفيش احلى من الماسكات الطبيعيه للحفاظ ع جمال ونقاء البشره...
وبرضه بكرر الطبيعى يكسب ....ولا ايه رايكم[ندعوك للتسجيل في المنتدى أو التعريف بنفسك لمعاينة هذه الصورة].

وكمان التعرض لاشعه الشمس بيسبب الهالات السوداء.

وكمان مننساش العامل الوراثى ده سبب عند بعض الناس ف الهالات السودا وده بيصعب علاجه شويه بس بيتعالج مع الاستمرار ف علاجه.

ثالثا .تعالو نعالج كل سبب من الاسباب السابقه.......

اول حاجه السهر ياريت نتجنب السهر ونعمل لنا مواعيد ننام فيها ونصحى فيها ....يعنى ننظم نفسنا مش اكتر .وكمان نتجنب شرب المنبهات (كالشاى والقهوه والنسكافيه و الكابتشينو و....الخ)

تانى حاجه الميك اب ....ليه يا بنات بنرمى نفسنا ف التهلكه..واحنا عارفين كويس ان للميك اب اضرار وعمره ما بيفيد... وياريت نبدا بتقليل الميك اب وبعد كده منحطهوش ..ونحط بس كريمات الترطيب للبشره ونعمل للبشره ماسكات طبيعيه تفيدها انا عن نفسى بحافظ ع بشرتى زى ماما هى مبتحطش ميك اب ويبان انها اصغر من سنها بجد.....طب ما فى ستات كتيييير وبنات مبيحطوش ميك اب زى اهل الريف مثلا وتلاقوا بشرتهم ما شاء الله جميله جدا وكمان نقيه.....
وبرضه شعارنا الجمال الطبيعى يكسب .

ثالث حاجه التعرض لاشعه الشمس ....احنا ممكن نحط اى كريم صن بلوك يعنى الكريمات الواقيه من الشمس .....وفى كمان حل اسهل اننا نلبس النظارات الشمسيه عند تعرضنا لاشعه الشمس.

اخر حاجه العامل الوراثى يا جماعه احنا لازم نحسن اكلنا وشربنا وده قبل اى حاجه لاى مرض او تعب او ارهاق.....
هتقولولى نحسن اكلنا ازااااااااااااااااااااااا اااااااااااااااااااااى... .......................؟!
هقولكم ان طبق السلطه الخضراء اساسى كل يوم .لانه بيعالج حاجات كتيييير اوىوكمان غنى جدا بالفيتامينات والاملاح المعدنيه اللى بيحتاجها الجسم.
وكمان لازم نشرب سوائل كتيييييييييير يوميا وعصائرعنيه بفيتامين CاوE.مثل عصير البرتقال او اليمون الفريش ......الخ
وكمان لازم اننا نشرب لتر مياه ف اليوم او اكتر انما اقل لالالالالا .
وكمان ياريت ناكل انواع فاكهه وخضروات كتيييير لانهم مفيدين جدا ويحتوى ع كميات من الفيتامينات والاملا ح المعدنيه كتيير اللى بيحتاجها الجسم .

كنت قد وضعته قبل ذلك فى منتدى اخر